গানের কথা

އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ
މަދަދުވެރިކަން ނެތީވިއްޔާ
ޤަދަރު ނެތިގެން ހިނގައިދާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ


އަދަކުގާ ކަންފޮޅާ ކައްދެން
އަދަކުގާ ކަންފޮޅާ ކައްދެން
ނެތޭ ދެނެ ތިބި ކަމެއް މެނުވީ
މަސައްކަތަކުން ހުނަރަކުން
ޢިލްމަކުން ނޫނީ ނަފާވާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ވިމާމޮޅު ނަޞަބަކުން އަޔަތީ
ވިމާމޮޅު ނަޞަބަކުން އަޔަތީ
ތިމާމެން ކިބުރުވެރި މިވަނީ
ރިމާދައް ފުރޮޅިގެން އެ ދަނީ
ދިމާޔަށް އަނގުރު އަލިފާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ވި ޠާހިރު މޮޅު އެ ރަންމުތަކީ
ވި ޠާހިރު މޮޅު އެ ރަންމުތަކީ
އިތާގެ ބަނޑުން ވިހޭ ދަރިއޭ
ހިތާކޮށް ފިކުރު ބެލިނަމައީ
އިބާރާތެއް ކަމަށް ވާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ޒަމާނަށް ހޭނުލާ ތިބެގެން
ޒަމާނަށް ހޭނުލާ ތިބެގެން
އަމާނެއް ލިބި ނެތޭ ދާކަށް
ކަމާއި ބަހާ މިދުނިޔޭގައި
ހިނގާ މަގު ވިސްނަވަން ވާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ނެތޭ މޮޅު އެއްކަމެއް ލިބިފާ
ނެތޭ މޮޅު އެއްކަމެއް ލިބިފާ
ޢަބުރުވެރި އަކު ކަމަށް ވެވިފާ
ތިމާގެ މަސައްކަތުން ނޫނީ
ދިމާއަށް ބާރު ލިބިދާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ލަދެއްނެތި އަތް ދިމާކުރުމީ
ލަދެއްނެތި އަތް ދިމާކުރުމީ
ތިމާގެ އެދުންތަކާ މެދުގާ
ހިނގާ ގޮސް އަނެކަކުގެ ގާތަށް
ކަމެއްތޯ ހުތުރު ނުވެ ދާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ލިބޭ މިންވަރު ނިކަން ދެނެގެން
ލިބޭ މިންވަރު ނިކަން ދެނެގެން
ވި ބޭނުންތަށް ބަހާލައިގެން
ތިބޭނަމައީ ފިކުރުކޮށްގެން
މި ބޭޒާރެއް ނުވެސް ވާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ލިބޭހާ ދެރަކަމެއް ދުނިޔޭން
ލިބޭހާ ދެރަކަމެއް ދުނިޔޭން
ޤަޟާ ގަދަރާއި މަތި ކޮށްފައި
ތިބޭއިރު ކުށް ނުވާ ކަމުގައި
ހިތާކަށް ވާ ނުވެސް ވާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ކަލާނގެ ދެއްވި ބޮޑު ނިޢުމަތް
ކަލާނގެ ދެއްވި ބޮޑު ނިޢުމަތް
ސަލާމަތް ބުއްދިއޭ މިކިޔާ
ބަލާ ނުމެލާ ނިދައިގަތުމުން
ހަލާކު ނިކަން އަވަސް ވާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

މިތާ މިތިބޭ ދުވަސްކޮޅުގާ
މިތާ މިތިބޭ ދުވަސްކޮޅުގާ
ސަވާރުވެގެން ހަވާ ނަފްޞާ
ހިތާ ހަށި އެދުނުހާ މަގަކުން
ތެދޭ މަކޮޔާ ދުވެވިދާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ތިމާގެ ފުރާނަޔާ މެދުގައި
ތިމާގެ ފުރާނަޔާ މެދުގައި
ޙިމާޔަތް ކޮށް ނުވިސްނިއްޔާ
ދިމާވީހާ ހަލާކެއްގައި
ޖެހޭކަށް ހޭ ލަހެއް ވާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ޙަސަދަ އާ ފިޠުނަޔާ މަކަރުން
ޙަސަދަ އާ ފިޠުނަޔާ މަކަރުން
ހިތާއި މެޔާ ފުރާ ފިއްޔާ
މަސަލަހުން އެންމެ ހިނދުކޮޅަކަށް
ނަފުސު ގައިމޭ ނުހުންނާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ޙަސަދައީ ހަށިގަނޑަށް އުފުލާ
ޙަސަދައީ ހަށިގަނޑަށް އުފުލާ
މަސައްކަތެކޭ ހިލޭ ކުރެވޭ
އަސަރު ނުމެ ކޮންމެ އަނެކާ އަށް
ކިހާ ހޭ ގެއްލުމެއް ވާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ތިމާގެ ހިތަށް ލިބޭ އުނދަގޫ
ތިމާގެ ހިތަށް ލިބޭ އުނދަގޫ
ވި މާ ގިނަ ފާފަޔާ އެކުގާ
ދިމާޔަށް ފިޠުނަ ތައް އުފެދޭ
ކަމެއް އެކަހަލަ ނުހުންނާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ރިކަން ކުޅަ ދުންމެ ނުމެ ހީކޮށް
ރިކަން ކުޅަ ދުންމެ ނުމެ ހީކޮށް
ވިކަން ދޮގުމާ ބުނުން ގިނަކޮށް
ލިކަން އަފިލާ މުޅިން މޫނުން
ނިކަން ކަމެކޭ ހިނގައިދާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ޤަދަރު ލިބި ގަންނަނީ ދުނިޔޭން
ޤަދަރު ލިބި ގަންނަނީ ދުނިޔޭން
މަދަރުވެރި ވާ ކަތުން ކަމަކީ
އަދެއްގާ ވަން ހަނާވާކަށް
ކަމެއްތޯ ނޭނގި އޮންނާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ކަލާނގެ އެ ރުއްސަވާ މަގުގާ
ކަލާނގެ އެ ރުއްސަވާ މަގުގާ
ސަލާމަތް އެދި ތިބޭ ނަމައީ
ހަލާކެއް އަދި މަލާމާތެއް
ބަލާއެއް ނުޖެހި ނުމެދާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

ސަމަރު ގަންދުން ދަމާ ނެރެގެން
ސަމަރު ގަންދުން ދަމާ ނެރެގެން
ހުނަރު މަންދުން އަތުން ގަނެގެން
ކަމަރު ބަންދުން ދަމާ ބަނދެގެން
ތިބެންވީތާ އަބަދު ޖާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ

މިހެން ނުވި ނަމަ ފަސާދަވެ ގޮސް
މިހެން ނުވި ނަމަ ފަސާދަވެ ގޮސް
ދެ ދުނިޔޭން ގެއްލި ނިމިގެން ގޮސް
ޖަހަންނަމަ އަށް ޚަރާބުވެ ގޮސް
ހިތާމައިގާ ތިބެން ވާނޭ
އަދަބުވެރިކަން ނެތުނު މީހާ
ދެދުނިޔޭން ގެއްލި ނިމި ދާނޭ
މަދަދުވެރިކަން ނެތީވިއްޔާ
ޤަދަރު ނެތިގެން ހިނގައިދާނޭ
އަދަބުވެރިކަން